Call

ກະຊວງພະລັງງານ ແລະ ບໍ່ແຮ່
ກົມນະໂຍບາຍ ແລະ ແຜນພະລັງງານ

ພິທີມອບ-ຮັບໜ່ວຍພັກແຂງ-ຮູ້ນຳພາຮອບດ້ານ ຂອງໜ່ວຍພັກ ກົມນະໂຍບາຍ ແລະ ແຜນພະລັງງານ ຄັ້ງທີ່ VII ປະຈຳປີ 2017. ຊື່ງຈັດຂື້ນໃນວັນທີ 10/07/2018

ຈຸດປະສົງແມ່ນພິທີມອບ-ຮັບໃບຢັ້ງຢືນນາມມະຍົດໜ່ວຍພັກຂອງກົມນະໂຍບາຍ ແລະ ແຜນພະລັງງານໄດ້ຮັບຮອງເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານເປັນຄັ້ງທີ VII ປະຈຳປີ 2017. ໂດຍເປັນປະທານຂອງ ສະຫາຍ ນ ຈັນສະຫວາດ ບຸບຜາ ຄະນະປະຈຳພັກກະຊວງ, ປະທານກວດກາພັກກະຊວງພະລັງງານ ແລະ ບໍ່ແຮ່, ແລະ ສະຫາຍ ປອ ຈັນສະແຫວງ ບຸນຍົງ ເລຂາໜ່ວຍພັກ, ວ່າການຫົວໜ້າກົມນະໂຍບາຍ ແລະ ແຜນພະລັງງານ, ແລະຕາງໜ້າຜູ້ເຂົ້າຮ່ວມຈາກຄະນະ ໜ່ວຍພັກ, ຄະນະພັກຮາກຖານ, ອ້ອມຂ້າງຄະນະພັກກະຊວງ, ແລະ ຕາງໜ້າຄະນະສະຫະພັນກຳມະບານ, ສະຫະພັນແມ່ຍິງ, ຊາວໜຸ່ມປະຊາຊົນປະຕິວັດລາວຂອງກະຊວງພະລັງງານ ແລະ ບໍ່ແຮ່ ແລະ ບັນດາສະມາຊິກພັກ ພະນັກງານຂອງກົມນະໂຍບາຍ ແລະ ແຜນພະລັງງານກໍ່ໄດ້ເຂົ້າຮ່ວມ. ໃນນັ້ນສະຫາຍເລຂາໜ່ວຍພັກກົມ (ກນຜ) ກໍ່ໄດ້ຜ່ານບົດລາຍງານຜົນງານການເຄື່ອນໄຫວວຽກງານ ປະຈຳປີ2017 ສົກປີ 2018 ແລະ ສະເໜີແຜນສ້າງໜ່ວຍພັັກເຂັ້ມແຂງ,ປອດໃສ ແລະ ໜັກແໜ້ນ ປະຈຳປີ 2018 ຄັ້ງທີ 1 ຕໍ່ທີ່ປະຊຸມຮັບຊາບ, ຫຼັງຈາກນັ້ນ ສະຫາຍ ນ ຈັນສະຫວາດ ບຸບຜາ ຄະນະປະຈຳພັກກະຊວງ, ປະທານກວດກາພັກກະຊວງພະລັງງານ ແລະ ບໍ່ແຮ່, ໄດ້ໃຫ້ການໂອ້ລົມ ຊີ້ນຳ ຕໍ່ໜ່ວຍພັກກົມ (ກນຜ), ໂດຍສະຫາຍ ໄດ້ເນັ້ນໜັກໃຫ້ສະມາຊິກພັກທຸກສະຫາຍເສີມຂະຫຍາຍ 5 ເນື້ອໃນ (ເຂັ້ມແຂງ, ປອດໃສ ແລະ ໜັກແໜ້ນ) ເປັນຕົ້ນ: ດ້ານການເມືອງ, ດ້ານແນວຄິດ, ດ້ານການຈັດຕັ້ງ, ແບບແຜນວິທີນຳພາ ແລະ ການປະຕິບັດໜ້າທີການເມືອງຂອງສະມາຊິກພັກ. ເພື່ອເຮັດໃຫ້ເຕັມໄປດ້ວຍຄວາມໜັກແໜ້ນ, ເຂັ້ມແຂງ ແລະ ເປັນເຂັມຊີ້ທິດເຍືອງທາງທີ່ຈະສືບຕໍ່ການປະຕິບັດແຜນການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນໃນຄັ້ງຕໍ່ໄປໃຫ້ປະສົບຜົນສຳເລັດ.

X